INDIAN REPUBLIC DAY VAWI - 68 NA ROPUI TAKIN SIAHA-AH LAWM A NI

 

Siaha, January 26   : Indian Republic Day vawi-68 na chu vawiin chawhma dar 10:30 khan District Playground Siaha vaihpi ah ropui leh urhsun taka lawm a ni.

 

IMG_0779.JPGHe Ni lawmna ah hian Smt. Harleen Kaur IAS, Deputy Commissioner, Siaha District, Siaha chu khuallian a ni a, zing dar 10:30 ah Hnampuanzar pawtpharh in Parade Contingents ten Hnampuanzar Chibai an buk chu a chhanglet a ni. Khuallian chuan thu sawiin, India ramin zalenna a neih hnuin mahni ngeia Danpui te siam a, mipui rorelna Sawrkar a lo din cham Indian Republic Day Vawi-68 na hlim leh lawm taka hmang theuh tur leh he Ni denchhen hian India khua leh tui zawng zawng te India ram hmasawnna tur leh inpumkhatna tha zawkte kan lo neih theih nan mahni inhlan thar leh turin kal khawmte chu a chah bawk a ni.

 

IMG_0776.JPGIndia ramin  Danpui felfai tak hnuaiah chak taka  Ram hmasawnna a kalpui mek lai hian keini Siaha District, India hmarchhak kilkhawr taka awmte pawh hian hmasawnna nasa tak kan nei chho ve mek a ni tiin, hetiang hmasawnna kalchho mek hi a tithuanawptu ni lovin  hmasawnna atana theihtawp chhuah theuh turin Siaha District mipuite chu tangrual turin a fuih bawk a ni.Sawrkar hmalak tawhna hrang hrang leh Siaha District tana a hmachhawp mek te tarlangin, inkalpawhna kawngpui tha leh tlo siam tura hmalak mek : Tipa-Zyhno-Laki-Lopu-Phura kawng leh Kaochao-New Laty-Phura kawngpui sial mekte ngawrh taka thawh mek a ni a, kawng sialna tura mimal ram tihchhiat ngai tura zangnadawmna te pawh chak taka bawhzui zel niin, atam zawkte chu pek an ni tawh a ni. He kawngpui sial mek te hi zawhfel a nih hnu chuan kan ram hausakna  inphumru chu haichhuahin a awm dawn a ni a ti a, hetianga kan sawrkarina hmasawnna min chhawpchhuah sak lai hian taima tak leh rinawm taka thawk a, malsawm tlak nih theuh turin mipuite chu a chah hlawm a ni.

 

Siaha District mipuite tui lama harsatna kan tawk thin chu sawrkar chuan hriain Titlao tui chu tun atanga reihlotea Pump thei turin chak taka hmalak mek a ni a, kan khawpui alo faih a alo thianghlim zawk nan Swachh Bharat Mission leh DCís Office bakah NGOsí te tangkawp chuan theihtawpa hmalak mek a ni. Kan District Nausen leh Nau chunga Nu thihna pawh a tla hniam zel a, hemi kawngah hian NGOsí te leh Medical Department te hmalakna chu a chhuanawm hle a ni a ti bawk. 

 

IMG_0799.JPGHe Ni lawmna ah hian Parade Contingents 16 awmin, Uniform Contingents ah pakhatna Mizoram Home Guard niin pahnihna ah 2bn. MAP leh pathumna ah National Cadet Corps Don Bosco School te an ni a, School Contingents ah pakhatna chu Adventist English Academy te niin pahnihna ah Govt. High School, Siaha te leh pathumna ah Christian Higher Secondary School te an ni. He Ni lawmna pual hian Siaha District chhunga Department hrang hrang ten Tableu Show ropui tak neihna a lawmman dawngtute chu : pakhatna ah DHO, pahnihna  BBBP leh pathumna E&F Deptt. MADC, Siaha te an ni. Vawiin Republic Day-2017 pual hian Volley Ball leh Painting Competition te pawh neih niin, he lawmman te hi khuallian Smt. Harleen Kaur IAS chuan a sem nghal a ni. He Ni lawmna pual hian sawmbikte tan Thingpui in hona vawiin chawhnu dar 1:00khan DCís Bungalow ah neih a ni.

 

ISSUED BY : INFORMATION & PUBLIC RELATIONS OFFICE, SIAHA DISTRICT : SIAHA